पर्वतमा पहिरोले घर पुरिँदा दुई जना बेपत्ता

पोखरा
पर्वतमा वर्षातपछि आएको बाढीले घरगोठ बगाउँदा दुईजनाको वेपत्ता भएका छन् ।

पर्वत फलेवास नगरपालिका–१ कार्कीनेटामा शनिबार दिउँसो पहिरोले झलक पौडेलको घर पुरिँदा दुई जना वेपत्ता भएको जिल्ला प्रहरी कार्यालय पर्वतले जनाएको छ ।

शनिबार दिउँसो घरभन्दा एक सय मिटरमाथि पहिरो खस्दा ४० वर्षीय झलक र अन्जादी ३५ वर्षीया तुलसी शर्मा बेपत्ता भएको पर्वत प्रहरीका डिएसपी खुमलाल भुसालले जानकारी दिए ।

अहिले उनीहरुको खोजी भइरहेको भुसालले बताए । पहिरोबाट गोठमा रहेको पशुचौपायसमेत वेपत्ता भएको प्रहरीले जनाएको छ ।