महिला एशिया कप : नेपालले आज भारतसँग खेल्दै

पोखरा ।

एसीसी महिला एशिया कप टी–२० क्रिकेटको समूह चरण अन्तर्गत आफ्नो अन्तिम खेलमा नेपालले आज भारतसँग खेल्दैछ ।

यो खेल नेपाली समयअनुसार बेलुका सवा ७ बजे श्रीलंकाको दम्बुला मैदानमा सुरु हुनेछ ।

पहिलो खेलमा यूएईलाई ६ विकेटले हराएको नेपाल दोस्रो खेलमा पाकिस्तानसँग ९ विकेटले पराजित थियो ।

समूह ‘ए’ मा नेपाल र पाकिस्तानको समान २–२ अकं छ भने भारतले २ खेल जितिसकेको छ । यूएई २ खेलमा पराजित भएको छ ।

सेमिफाइनलमा पुग्नका लागि नेपाललाई आजको खेलमा जित्नुपर्ने दबाव छ ।

नेपालको खेल अघि समूह चरणको अन्तिम खेलमा पाकिस्तान र यूएई आज दिउँसो सवा २ बजे खेल्दैछन् ।

यो खेलमा पाकिस्तानले हारेमा र नेपाल भारतसँग पराजित भएको अवस्थामा नेपाल, पाकिस्तान र यूएईमध्ये नेट रनरेटमा अगाडि हुने टोलीले सेमिफाइनल खेल्नेछ ।