घाँसीकुवामा पहिरो अपडेट : डुम्रे–दमौली सडकखण्ड पूर्णरूपमा अवरुद्ध

तनहुँ ।

घाँसीकुवामा पहिरो खसेपछि पृथ्वीराजमार्ग अन्तर्गत डुम्रे–दमौली सडकखण्ड पूर्णरूपमा अवरुद्ध बनेको छ ।

गएराती खसेको पहिरोका कारण सडक अवरुद्ध बनेको हो । लेदो सहित खसेको ठुलो पहिरोका कारण दुवैतर्फ सवारीआवागमन ठप्प भएको जिल्ला प्रहरी कार्यालय तनहुँले जानकारी दिएको छ ।

घाँसीकुवामा यसअघि भदौको पहिलो हप्ता पनि ठुलो पहिरो खसेको थियो । अग्लो भिरबाट पहिरो खस्दा पहिरो पन्छाउन समय लाग्ने गरेको छ ।

यस्तै, पृथ्वी राजमार्ग अन्तर्गत डुम्रे नजिकै सिमपानिमा पहिरो खसेको छ । बन्दिपुर १ सिमपानीमा खसेको पहिरोका कारण मुग्लिनबाट पोखरा तर्फ आउने सवारी त्यहि रोकिएका छन् ।