एनपीएलका खेलाडी छनोटका लागि असोज २० गते अक्सन हुने

पोखरा ।

नेपाल प्रिमियर लिग (एनपीएल) को खेलाडी छनोटका लागि यही असोज २० गते अक्सन हुने भएको छ ।

नेपाल क्रिकेट संघ (क्यान) ले असोज २० गते अक्सनको मिति तय गरेको जनाएको छ ।

अक्सनका लागि खेलाडीलाई ए, बी र सी ग्रेडमा वर्गीकरण गरिनेछ । क्यानले केही दिनअगाडि खेलाडीलाई अक्सनका लागि आफ्नो नाम दर्ताका लागि आह्वान गरेको थियो ।

क्यानका अनुसार टिममा समावेश हुने विदेशी खेलाडी भने टिमहरुले सीधै अनुबन्धित गर्नेछन् ।

पहिलो संस्करणको एनपीएल आगामी मंसिर १५ देखि पुस ६ गतेसम्म आयोजना हुँदै छ ।

क्यानको आयोजनामा ८ टोलीको सहभागिता रहेको एनपीएल मंसिर १६ गतेदेखि पुस ६ गतेसम्म हुँदै छ ।

८ वटै टोलीको मार्की खेलाडी भने पहिले नै तय भइसकेको छ ।