पाेखरा विश्वविद्यालय साहित्य समाजले अनलाइनमै मनायाे दशाैं वार्षिकाेत्सव

पाेखरा विश्वविद्यालय साहित्य समाजकाे दशाैं वार्षिकाेत्सव कार्यक्रम शुक्रबार जुम एप्समार्फत मनाइएकाे छ । वार्षिकाेत्सवका अवसरमा रचना वाचन तथा संस्थापक तथा पूर्व पदाधिकारीहरूकाे अनुभव सुनाउने कार्यक्रम सम्पन्न गरिएकाे समाजका अध्यक्ष महेश चाैलागाइले जानकारी दिए ।

कार्यक्रममा समाजका संस्थापक अध्यक्ष सुवास मल्ल, कवि डा. चैतन्य अधिकारी, संस्थापक सल्लाहकार मिना डल्लाकाेटी, पूर्व अध्यक्षहरू आशिष दनाइ र विजय त्रिपाठी लगायतले बाेलेकाे थिए । साथै पूर्व पदाधिकारीहरू एकनाथ आचार्य, के. आर. ढकाल, आभाष दाहाल र प्रवेश ढकालले समेत कार्यक्रममा आफ्नाे कार्यकालका अनुभवहरू सुनाएका थिए ।

कार्यक्रममा वक्ताहरू सहित असिम अधिकारी, सुलाेचना देवकाेटा, सागर केसी, अमृत रागी, अनुशा ज्ञवाली, कृष्ण लम्साल लगायतका स्रष्टाहरूले विभिन्न रचनाहरू सुनाएका थिए ।