एन्फा महिला लिग : आज बाग्मती युथ क्लब र वालिङ नगरपालिका खेल्दै

पोखरा ।

एन्फा महिला लिग फुटबलमा आज बाग्मती युथ क्लब र स्याङजाको वालिङ नगरपालिका खेल्दैछन् ।

खेल दिउँसो ३ बजे सातदोबाटोमा रहेको एन्फा कम्प्लेक्सको मैदानमा शुरू हुनेछ ।

पाँच टोली रहेको लिगमा ७ खेलमा चार अंकसहित बाग्मती चौथो र ७ खेलमा अंकविहिन वालिङ पाँचौँ स्थानमा छ ।

हिजो भएको खेलमा लिगको शीर्ष टोली एपीएफले अर्को विभागीय टोली नेपाल पुलिस क्लबलाई २–० गोलले हराएको थियो ।

पहिलो क्वालिफायरमा पुगिसकेको एपीएफको २१ अंक छ । प्ले अफमा पुगिसकेको तेस्रो स्थानको पुलिसको ११ अंक छ ।

लिगमा १६ अंकसहित त्रिभुवन आर्मी दोस्रो स्थानमा छ ।