सघन उपचार कक्षा र भेण्टिलेटर भरीएपछि कोरोना संक्रमितलाई हेलिकप्टर मार्फत पोखरा

धौलागिरी अस्पतालमा रहेको सघन उपचार कक्षा र भेण्टिलेटर भरीएपछि कोरोना भाईरसका गम्भिर बिरामीलाई हेलिकप्टर मार्फत पोखरा ल्याईएको छ ।

बुधबार जिल्लाको बडिगाड गाउँपालिका–६ का ४० बर्षिय पुरुषलाई अक्सिजनको मात्रा निकै कम भएपछि पोखरा मणिपाल शिक्षण अस्पताल पोखराले शैया उपलव्ध गराउने सहमतिमा उनलाई पोखरा ल्याईएको हो ।

धौलागिरी अस्पतालमा अहिले ३२ जना संक्रमितलाई उच्च गतिमा अक्सिजन दिएर उपचार भैरहेको छ । ७ जना संकास्पद बिरामी समेत सघन उपचार कक्षमा राखेर उपचार गर्नुपर्ने खालका बिरामी छन् ।अस्पतालका प्रमुख डाक्टर शैलेन्द्र बिक पोखरेल बिकका अनुसार अस्पतालमा तीन शैयाको सघन उपचार कक्ष छ । तीन वटा भेण्टिलेटर समेत प्रयोगमानै छन् ।