पोखरा ।
नेपाल सुपर लिग (एनएसएल) २०२५ अन्तर्गत आज ललितपुर सिटी एफसी र पोखरा थण्डर्सबीच प्रतिस्पर्धा हुँदैछ ।
खेल त्रिपुरेश्वरस्थित दशरथ रंगशालामा साँझ ६ बजे सुरु हुनेछ ।
दुवै टोलीको यो दोस्रो खेल हो । दुवै टोली आज पहिलो जित निकाल्ने लक्ष्यमा मैदान उत्रंदैछन् । यसअघि उद्घाटन खेलमा ललितपुरले काठमाडौंसँग २–२ को बराबरी खेल्दै अंक बाँडेको थियो ।
पोखरा भने आफ्नो पहिलो खेलमा एफसी चितवनसँग २–० ले पराजित भएको थियो ।
साविक विजेता ललितपुर पहिलो खेलमा जितनजिक पुगेर पनि इन्जुरी टाइममा पेनाल्टीमा गोल खाँदा अंक बाँड्न बाध्य भएको थियो ।
यसअघि हिजो भएको खेलमा धनगढी एफसीले विजयी शुरूवात गरेको छ । दशरथ रंगशालामा हिजो राति भएको खेलमा धनगढीले बुटवल लुम्बिनीलाई ४–१ ले पराजित गरेको हो । योसँगै धनगढीले पहिलो खेलमै तीन अंक जोडेको छ ।
बुटवलको भने यो पहिलो हार हो । बुटवलले यसअघि झापा एफसीसँग गोलरहित बराबरी खेलेको थियो ।
धनगढीको जीतमा लेबनानी फरवार्ड अहमद हिजाजीले दुई र कृतिशरत्न छुन्जु र सर्जियो बार्बोजुले समान एक गोल गरे । बुटवलका केन्टा हाराले एक गोल फर्काए ।
प्रतियोगितामा सात वटा टोलीसहभागी छन् । लिग चरणमा कुल २१ खेल हुनेछन् ।
लिग चरणपछि चार वटा टोली प्लेअफमा पुग्नेछन् । फाइनल खेल वैशाख १३ गते हुनेछ ।
प्रकाशित मिति २०८१ चैत १९ गते बुधबार १०:११
