आईसीसी महिला टी–२० विश्वकप एशिया छनोटमा आज बहराइन र हङकङ खेल्दै

पोखरा ।

आईसीसी महिला टी–२० विश्वकप एशिया छनोटमा समूह चरणको अन्तिम खेलमा आज बहराइन र हङकङ खेल्दैछन् ।

बैंककमा रहेको एआईटी मैदानमा हुने खेल दिउँसो सवा १२ बजे शुरू हुनेछ ।

आजको खेलले नेपाल ‘सुपर थ्री’ मा पुग्ने÷नपुग्ने टुंगो लाग्नेछ । यो खेल हङकङले हा¥यो भने नेपाल सुपर थ्रीमा पुग्नेछ भने बराबरीले नेट रनरेटमा अघि रहँदै हङकङ सुपर थ्रीमा पुग्नेछ ।

यसअघि हिजोको खेलमा नेपालले बहराइनलाई डीएलएस नियमका आधारमा ६ विकेटले हराएको थियो ।

योसँगै नेपाल ४ खेलमा ५ अंकसहित समूह ‘सी’ को शीर्ष स्थानमा उक्लिएको छ ।

बहराइन ३ खेलमा १ अंकसहित पुछारमा छ । यस्तै हङकङ ३ खेलमा ४ अंकसहित दोस्रो स्थानमा छ ।

महिला टी–२० विश्वकप एशिया छनोटमा सहभागी भएका ९ टोलीलाई ३ वटा समूहमा विभाजन गरिएको छ ।

हरेक समूहको विजेता सुपर थ्री मा पुग्नेछन् । सुपर थ्रीको शीर्ष २ टोली ग्लोबल छनोटमा पुग्नेछन् ।