पोखरा ।
नेपाली कांग्रेसको केन्द्रीय समितिको बैठक आज बस्दै छ ।
बैठक दिउँसो १ बजे केन्द्रीय कार्यालय सानेपामा शुरु हुने कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।
बैठकका लागि ६ एजेण्डा तय गरेको मुख्यसचिव पौडेलले जानकारी दिएका छन् ।
उनका अनुसार आइतबार बिहान सभापति शेरबहादुर देउवा निवासमा बसेको पदाधिकारी तथा पूर्वपदाधिकारीहरूको बैठकले एजेण्डा तय गरेको हो ।
बैठकमा भातृ संस्थाको म्याद थप, सरकारको समीक्षा, क्रियाशील सदस्यता वितरण, समसामयिक राजनीति लगायत विषयमा छलफल गर्ने एजेण्डा रहेको उनले जानकारी दिए ।
बैठकमा पार्टीको १०० दिने अभियानमा खटिएका प्रतिनिधिको रिपोर्ट पेश हुनेछ ।
त्यस्तै बैठकमा पार्टीबाट प्रदेशमा सरकारमा गएका मन्त्रीहरूले आ–आफ्नो मन्त्रालयले गरेका कामको जानकारी पनि दिनेछन् ।
दुई–दुई महिनामा बस्नुपर्ने केन्द्रीय समितिको बैठक ९ महिनापछि बल्ल आज बस्न लागेको हो ।
प्रकाशित मिति २०८२ असार १६ गते सोमबार ०९:१७
