प्रतिनिधिसभाको बैठक आज बस्दै

काठमाडौं ।

प्रतिनिधिसभाको बैठक आज पनि बस्दैछ ।

बैठक दिउसो १ बजेदेखि बस्ने गरि बोलाइएको संघीय संसद सचिवालयले जनाएको छ ।

आजको बैठकमा सहरी विकास मन्त्रालयसहितका मन्त्रालयको प्रश्नोत्तरको कार्यसूची तय भएको छ ।

त्यस्तै आजको बैठकमा खेलकुदमन्त्री तेजुलाल चौधरीले राष्ट्रिय खेलकुद विकास (पहिलो संशोधन) विधेयक २०८२ माथि विचार गरियोस भन्ने प्रस्ताव पेश गर्ने कार्यसूची रहेको छ ।

आजको बैठकमा प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डले सम्बोधन गर्ने कार्यसूची समेत रहेको संसद सचिवालयले जनाएको छ ।