ऋतु पत्रिका ‘डाँफेचरी’को पुनः प्रकाशन शुरु

पोखरा ।

जनकवि केशरी धर्मराज थापाले प्रकाशन शुरु गरेको अनुसन्धानमूलक लोक साहित्य, संस्कृति प्रधान ऋतु पत्रिका ‘डाँफेचरी’को पुनः प्रकाशन शुरु भएको छ ।

जनकवि केशरी थापाको १०१ औं जन्मजयन्ती अवसरमा जनकवि केशरी धर्मराज सावित्री थापा प्रतिष्ठानले आयोजना गरेको एक कार्यक्रममा पत्रिका सार्वजनिक गरिएको हो ।

विक्रम सम्वत २०१० सालमा ‘डाँफेचरी’ ऋतु पत्रिका प्रकाश शुरु भएको थियो ।

लोकार्पण एवं ‘सम्झनामा धर्मराज थापा’ सांगीतिक समारोहमा प्रा.डा चुडामणी वन्धु, प्रा.डा. दयाराम श्रेष्ठ सम्भव,संस्कृतीविद डा.जगमान गुरुङ प्रा.रमा शर्मा पूर्वशिक्षामन्त्री राधाकृष्ण मैनाली लगायतको उपस्थिति रहेको थियो ।

वक्ताहरुले धर्मराज थापालाई गायक मात्र नभएर एक क्रान्तिकारी कवि तथा गीतकार रुपमा लिनुपर्ने बताए ।

जनकवि धर्मराज थापाको जन्म वि.सं. १९८१ साल, साउन १ गते काँस्की जिल्लाको बाटुलेचौरमा भएको थियो भने उनको निधन वि.सं. २०७१ साल असोज २९ गते काठमाडौंमा भएको थियो ।