पर्वत पहिरोः दम्पत्ति नै मृत फेला

पोखरा।

पर्वतमा पहिरोमा परेर वेपत्ता दम्पत्ति नै मृत फेला परेका छन् ।

७६ वर्षीया विष्णुमति विश्वकर्माको शव फेला परेसँगै दुवै जनाको शव भेटिएको हो । मोदी गाउँपालिका–३ देउरालीस्थित लाङदीमा घरमाथिबाट पहिरो खस्दा ७८ वर्षीय छविलाल विश्वकर्मा र ७६ वर्षीया विष्णुमति वेपत्ता भएका थिए ।

पहिरो पन्छाउने क्रममा दुवै जनाको शव फेला फेला जिल्ला प्रहरी कार्यालय पर्वतका डिएसपी रविन विष्टले जानकारी दिए । घटनास्थलको मुचुल्का गरेर शव पोष्टमार्टमका लागि कुश्मा ल्याइदै छ ।

आइतबार विहान खसेको पहिरोमा छविलालकी ३२ वर्षिया पवित्रा विक भने भागेर ज्यान बचाउन सफल भएकी छन् ।