पोखरा–१३ मा निशुल्क डेंगु परीक्षण

पोखरा ।

पोखरा महानगरपालिका–१३ ले वडाबासीलाई लक्षित गर्दै निशुल्क डेंगु परीक्षण सञ्चालन गरेको छ ।

बढ्दो गर्मी मौसमका बेला डेंगुको जोखिम भएकाले निशुल्क डेंगु परीक्षण सञ्चालन गरिएको वडाध्यक्ष किरण बरालले जानकारी दिए ।

उक्त परीक्षण साउन र भदौं महिनामा सञ्चालन हुने बरालले बताए ।

वडाबासीले कुँडहरमा रहेको शहरी स्वास्थ्य केन्द्रमार्फत निशुल्क डेंगु परीक्षण गर्न सक्नेछन् ।

अन्य वडाबासीले पनि उक्त ठाउँमा निशुल्क परीक्षण गर्न सक्ने वडाध्यक्ष बरालले बताए ।

डेंगुप्रति जनतालाई सचेत बनाउन र यसबाट बचाउन उक्त अभियान थालिएको उनको भनाइ छ ।

वडाले डेंगु नियन्त्रणमा लागि वडाका विभिन्न संघसंस्थासँग समन्वय गरी विभिन्न कार्यक्रमहरु सञ्चालन गरिरहेको छ ।