एमएफएन उपाधि विजेता रविन्द्र ढाँटलाई सरकारले पाँच लाख दिने

पोखरा ।

भारतको नोएडामा सम्पन्न म्याट्रिक्स फाइट नाइट (एमएफएन) उपाधि जितेका रविन्द्र ढाँटलाई सरकारले नगद पुरस्कार दिने भएको छ ।

म्याट्रिक्स फाइट नाइट १७ (एमएफएन १७) बान्टमवेट च्याम्पियन बनेका बझाङका ढाँटलाई मन्त्रिपरिषद् बैठकले प्रोत्साहनस्वरुप पाँच लाख रुपैयाँ प्रदान गर्ने घोषणा गरेको हो ।

प्रधानमन्त्री केपी शर्मा ओलीले सोमबारको मन्त्रिपरिषद्को निर्णयअनुसार उनलाई उक्त रकम प्रदान गरिने जानकारी दिएका छन् ।

प्रधानमन्त्री ओलीका अुनसार ढाँटका प्रशिक्षकलाई दुई लाख रुपैयाँ प्रदान गरिने निर्णय पनि भएको छ ।

गत शनिबार भारतमा भएको प्रतिस्पर्धामा रवीन्द्रले भारतका च्याम्पियन चुनरेङ कोरेनलाई पराजित गरेका थिए ।