नेपाल र वेस्ट इन्डिजबीचको ऐतिहासिक टी-२०आई शृंखलाको खेल तालिकामा सामान्य हेरफेर

पोखरा ।

नेपाल र वेस्ट इन्डिजबीच हुने तीन खेलको टी–२० अन्तर्राष्ट्रिय शृंखलाको खेल तालिका सामान्य हेरफेर भएको छ ।

नेपाल क्रिकेट संघ (क्यान) को आयोजनामा हुन लागेको शृंखला यूएईमा हुनेछ ।

शारजाह क्रिकेट रंगशालामा हुने शृंखला आउँदो असोजको ११, १३ र १४ गते ( २७, २९ र ३० सेप्टेम्बर) हुने क्यानले जनाएको छ ।

यसअघि खेल असोज ११, १२ र १४ गते (सेप्टेम्बर २७, २८ र ३० ) मा हुने तय भएको थियो ।

क्रिकेट इतिहासमै नेपालले पहिलोपल्ट टेस्ट राष्ट्रसँग टी–२० अन्तर्राष्ट्रिय शृंखला खेल्न लागेको हो ।

यो शृंखला नेपाल क्रिकेटको लागि ऐतिहासिक मात्र नभइ आउँदो टी–२० विश्वकप एशिया छनोटको तयारीमा समेत महत्त्वपूर्ण मानिएको छ ।

विश्वकप छनोट ओमानमा अक्टोबरमा हुँदैछ ।

यसअघि गएको वर्ष वेस्ट इन्डिजको ‘ए’ टोली नेपालमै आएर टी–२० शृंखला खेलेको थियो ।