नेपाली क्रिकेट टोलीको नयाँ जर्सी सार्वजनिक

पोखरा ।

नेपाल क्रिकेट संघ क्यानले नेपाली क्रिकेट टोलीको नयाँ जर्सी सार्वजनिक गरेको छ ।

क्यानले सोमबार साँझ नयाँ जर्सी सार्वजनिक गरेको हो । जर्सीमा पहिलेको भन्दा केही कुराहरूमा परिमार्जन गरिएको छ ।

नयाँ जर्सीमा गाढा निलो र रातो रङको प्रयोग भएको छ । त्यस्तै एकतर्फको काँधमा नेपालको झण्डाको चन्द्र र अर्कोतर्फको काँधमा सूर्य अंकित छ ।

जर्सीको तल्लो भागमा सगरमाथाको संकेत गर्ने चित्र समावेश छ ।

यसअघि नेपालको नाम लेख्दा पहेंलो रङको प्रयोग भएकोमा नयाँ जर्सीमा सेतो रङकै प्रयोग भएको छ ।

त्यस्तै जर्सी स्पोन्सर नासा सेक्युरिटिजको लोगो जर्सीको बीच भागमा छ ।

यति बेला नेपाली क्रिकेट टोली वेस्ट इन्डिजसँगको शृंखला खेल्न यूएई प्रस्थान गरेको छ ।

नेपालले वेस्ट इन्डिजसँग ३ खेलको टी–२०आई शृंखला खेल्दै छ ।