पञ्चेबाजाका निर्देशकले आधा खुसी ल्याउँदै

फिल्म ‘पन्चेबाजा’ का निर्देशक घनश्याम लामिछानेले टेलिश्रृंखलामा हात हालेका छन् । ठूलो पर्दाका चलचित्रहरुको निर्माण शुन्यप्राय रहेको बेला लामिछानेले टेलिभिजनका लागि टेलिश्रृंखला ‘आधा खुसी’ निर्माण गर्दैछन ।

पारिवारिक प्रेमकथामा आधारित टेलिश्रृंखला ‘आधा खुसी’ मा सरोज खनाल, प्रज्ञा जोशी, रिस्ता बस्नेत, लय सङ्ग्रौला, लव शर्मा, भावु लम्साल, सुस्मा कार्की, तेज गिरी, पुष्प, दिपेश लामिछाने, निभा अधिकारी, बिष्णु गौतम, राजेन्द्र थापा लगायतको अभिनय रहने निर्देशक लामिछानेले बताए ।

प्रज्ञा फिल्मस् प्रालिको ब्यानरमा निर्माण थालिएको टेलिश्रृंखला ‘आधा खुसी’ कलाकार प्रज्ञा जोशीले निर्माण गर्दै छन ।

प्रदिप भारद्वाजको लेखन रहेको टेलिश्रृंखलालाई हरि लामाले छायाङ्कन गर्दैछन, टेलिश्रृंखलामा मिलन श्रेष्ठको सम्पादन,विकास चौधरीको संगीत र प्रविशा अधिकारीको स्वर रहने निर्माण पक्षले जानकारी दिएको छ ।