चलचित्र पत्रकार संघ कास्कीको अध्यक्षमा सन्तोष बस्याल

पोखरा ।
चलचित्र पत्रकार संघ नेपाल कास्कीमा सन्तोष बस्यालको नेतृत्वमा नयाँ कार्यसमिति चयन भएको छ । संघको आइतबार भएको छैठौं अधिवेशनबाट पब्लिक फोरके टेलिभिजनकर्मी सन्तोषको नेतृत्वमा नयाँ समितिका सर्वसम्मत चयन भएको हो ।

कार्यसमितिको उपाध्यक्षमा गौरव त्रिपाठी, सचिवमा सुरेश सुनार, सह–सचिवमा सिद्धार्थ गौतम तथा कोषाध्यक्षमा सुरक्षा श्रेष्ठ चयन भएका छन् ।

कार्यसमिति सदस्यहरूमा प्रेम थापा, विनीता सुनार, सुरज थापा, सागर ढकाल, सुष्मा नेपाली, अभिनन्दन बजिमय र नारायण पौडेल सर्वसम्मत चयन भएका छन् ।

अधिवेशनले केन्द्रीय महाधिवेशन प्रतिनिधिका लागि आशिष पुरी र मिलन थापालाई चयन गरेको संघले जनाएको छ ।