पोखरा ।
अर्थमन्त्री रामेश्वर खनालले सही तथ्यांकले नै असल नीति निर्माण सकिने बताउनुभएको छ ।
शुक्रबार राष्ट्रिय तथ्यांक कार्यालयले नेशनल ट्रान्सफर एकाउण्ट प्रतिवेदन सार्वजनिक गरेको कार्यक्रमलाई सम्बोधन गर्दै उनले यस्तो बताएका हुन् ।
उनले सरकारले केही समयभित्रै स्थानीय तहमा मानव विकास सूचकाङ्क प्रतिवेदन तयार पार्ने बताए । त्यसले नीति निर्माणलाई वैज्ञानिक र समयसान्दर्भिक बनाउने उनको विश्वास छ ।
मानव विकास सूचकाङ्कले प्रशासकीय विकासमा फाइदा पु¥याउने उनले बताए । तथ्यांक संकलनका लागि नेपाल सरकारकै बजेटबाट पूर्ण रुपमा तथ्यांक कार्यालयले मागेबमोमिको बजेट विनियोजन हुने पनि उनले विश्वास व्यक्त गरे ।
औद्योगिक विकासका लागि नीति निर्माण गर्न पनि तथ्यांकहरुको भुमिका महत्वपूर्ण हुने उनले बताए ।
उनले भने, ‘तथ्यांकहरु भएन भने हामी असल नीति निर्माण गर्न सक्दैनौँ । केही समय पछि एचडिआई निकाल्दैछौँ । गाउँपालिका, नगरपालिका तहमा निकाल्न सक्यो भने वैज्ञानिक हुनसक्छ । प्रशासकीय विकासमा यसले राम्रो गर्छ । ति नीतिहरु निर्माण गर्नको निमित्त फाइदाजनक हुन्छ । यसका लागि राष्ट्रिय तथ्यांक कार्यालयलाई सहयोग गर्न सरकार तयार छ ।’
उनले राष्ट्रिय महत्वका नीति निर्माण गर्न यस किसिमका तथ्यांकहरुको महत्वपूर्ण भुमिका हुने बताए । आवश्यक तथ्यांकहरु नेपाल आफैँ आत्मनिर्भर भएर निकाल्नुपर्नेमा उनले जोड दिए ।
प्रकाशित मिति २०८२ पुस २५ गते शुक्रबार ०३:३८
