चितवनको सामुदायिक वनमा पोथी चितुवा मृत फेला

चितवन । चितवनको रामनगरस्थित सामुदायिक वन क्षेत्रमा एक पोथी चितुवा मृत फेला परेको छ ।

बुधबार रुखमा च्यापिएको अवस्थामा ३ वर्षको पोथी चितुवा मृत भेटिएको डिभिजन वन कार्यालय भरतपुरले जनाएको हो ।

रामनगरबाट ठिमुरा जाने सडक नजिक रुखको कापोमा घाँटी च्यापिएको अवस्थामा चितुवा मृत देखेपछि स्थानीयले वन कार्यालयलाई खबर गरेका थिए ।

चितुवा एक साताअघि नै रुखको कापमा च्यापिएको हुनसक्ने वन कार्यालयको अनुमान छ ।