प्रहरीको स्वीप अपरेसनमा थप ६१ जनालाई कारवाही

पोखरा ।

लागुऔषध कारोवार तथा सेवन तथा समाजमा अशान्ति फैलाउने गतिविधि विरुद्व कास्की प्रहरीले स्वीप अपरेसन सञ्चालन गरेको छ । प्रहरीले बिहीबार दोस्रो दिनको स्वीप अप्रेसनमा थप ६१ जना पक्राउ परेको जानकारी दिएको छ । जिल्ला प्रहरी कार्यालय र मातहतका कार्यालयले लागुऔषध बिक्री तथा सेवन, मदिरापान गरेर समाजमा अशान्ति फैलाउने, गुण्डागर्दीको अभियोगमा उनीहरूलाई पक्राउ गरेको हो। स्वीप अप्रेसन बिहीबार राति ९ः०० देखि आज बिहान ६ः०० बजेसम्म सञ्चालन भएको थियो। यसअघि पहिलो दिनको अप्रेसनमा जिल्लाका विभिन्न स्थानबाट १२२ जनालाई प्रहरीले पक्राउ गरेको थियो ।