बत्ती नहुँदा रोकियो महिला खोखो

पोखरा
नवौं राष्ट्रिय खेलकुदअन्तर्गत महिला खोखोको आइतबारको अन्तिम खेल स्थगित भएको छ । पोखरा रंगशालास्थित ह्यान्डबल एकेडेमीमा गण्डकी प्रदेश र सुदूरपश्चिमबीचको खेल बत्ती अभाव हुँदा सोमबारसम्मको लागि सरेको खोखो संघ प्रचार विभाग प्रमुख सुशिलमान व्यञ्जनकारले जानकारी दिए ।

‘बिहान उद्घाटनले गर्दा केही ढिलो भयो । नत्र समयमै सकिने रहेछ । तर, साँझ उज्यालो नपुग्ने भएपछि खेल्दाखेल्दैको खेल रोक्नुप¥यो,’ व्यञ्जनकारले भने, ‘भोलि (सोमबार) फेरि सुरुबाट खेल हुन्छ ।’

त्यसअघि भएको बागमती र मधेस प्रदेशबीचको खेल भने बराबरीमा टुंगिएको छ । निर्धारित समयमा दुवै टिमले समान १७, १७ अंक प्राप्त गरेपछि अंक बाँडिएको व्यञ्जनकारले जानकारी दिए ।

राउन्ड रोबिन आधारमा खेलाइएको खेलमा २ विभागीय टिमसहित ९ टिमले सहभागिता जनाएका छन् । आइतबारबाट सुरु भएको खेल कात्तिक ३ गतेसम्म चल्नेछ ।