छोटो फिल्म ‘घेरो’ सार्वजनिक ( भिडियाे सहित )

पोखरा । पोखराका फिल्मकर्मी नेत्र गुरुङले ‘घेरो’ नामक छोटो फिल्मकाे निर्माण गरेका छन् ।

‘घेरो’ ले कोरोना कहर र लकडाउनले समाजमा परेकाे प्रभावलाइ देखाउन खोजिएकाे फिल्म युनिटले दावी गरेकाे छ । फिल्ममा एउटा अबोध बालकको मनोविज्ञानमार्फत समाजको अहिलेकाे यथार्थ पस्किने प्रयास गरिएकाे छ ।

कास्कीको ढिकुरपोखरीमा छायाँकन गरिएको फिल्ममा तितस केसी मूख्य भुमिकामा छन् । फिल्ममा उनीसँगै राजेन्द्र अधिकारी, विजय अधिकारी, उर्मिला केसी र कर्णबहादुर पुन देखिएका छन् ।

फिल्मलाई प्रकाश गुरुङ ‘काश’ले खिचेका हुन् । फिल्मको लेखनसँगै सहनिर्देशनमा नेत्रलाई भरत छन्त्यालले सघाएका छन् । विकास ताम्राकारले ड्रोन सट खिचेका हुन् भने फिल्मको रंग सँयोजन किरणराज थापाले गरेका हुन् । फिल्मको ब्याकग्राउण्ड स्कोर बिनोद रसाईलीले गरेका हुन् भने पब्लिसिटी डिजाइन सबिन गायकको हो । ‘घेरो’ नेत्र इन्टरटेनमेन्टले सार्वजनिक गरेकाे हाे ।