काठमाडाैं उपत्यकामा निषेधाज्ञा खुकुलाे

काेराेनाकाे संक्रमण दिनानुदिन बढदै गएपनि काठमाडौं उपत्यकामा जारी निषेधाज्ञा केही खुकुलो हुने भएकाे छ । काठमाडौं, ललितपुर र भक्तपुरका प्रमुख जिल्ला अधिकारीहरुको बुधबार बसेको संयुक्त बैठकले उपत्यकामा जारी निषेधाज्ञा केही खुकुलो गर्ने निर्णय गरेको हो । निशेधाज्ञा खुकुलाे पार्ने निर्णय भएपनि केही परिवर्तन सहित थप ७ दिनका लागि निषेधाज्ञा जारी रहने छ ।

बैठकपछि उपत्यकामा निषेधाज्ञाको समयमा गर्न हुने र नहुने कामको सूची समेत एक विज्ञप्तिमार्फत सार्वजनिक गरिएको छ ।

विज्ञप्तिमा बिहान ११ बजेसम्म किनमेल र हिँडडुलका लागि खुकुलो गरिएको छ ।  त्यस्तै बैंकलगायतका नियमित सेवा प्रदायक संस्थाहरूले स्वास्थ्य सुरक्षाको मापदण्ड पालना गरी न्यूनतम कर्मचारी राखेर सेवा दिन सक्ने व्यवस्था गर्न समेत सक्ने जनाइएको ।

उता, होटल, रेष्टुरेन्ट, फुटपाथ पसल भने पूर्ण रूपमा बन्द गर्नुपर्ने विज्ञप्तिमा जनाइएको छ ।

हेर्नुहाेस जारी विज्ञप्ति