८ प्रहरी र हिरासतमा रहेका २ व्यक्ती समेत संक्रमित
पाेखरा । गण्डकी प्रदेशमा साेमबार पाेखरा महानगरपालिकाका ३६ र गाेरखाका १८ जनासहित ५६ जनालाई कोरोना भाइरसको संक्रमण पुष्टि भएको छ ।
गण्डकी प्रदेश स्वास्थ्य निर्देशनालयले दिउँसो ३ : २० बजेसम्म जारी गरेकाे विज्ञप्तीका अनुसार पाेखराका ३६ सहित गण्डकी प्रदेशमा ५६ जना संक्रमित भएका हुन ।
सोमबार वडा प्रहरी कार्यालय, १२ किलो गोरखामा कार्यरत २ जना महिला प्रहरीसहित ८ जना प्रहरी संक्रमित भएका छन । वडा प्रहरी कार्यालय १२ किलाेमा कार्यरत २ जना महिला प्रहरीका १२ र ३ वर्षका २ जना बालकहरु समेत संक्रमित भएकाे स्वास्थ्य निर्देशनालयले जारी गरेकाे विज्ञप्तीमा उल्लेख छ । यस्तै, प्रहरी हिरासतमा रहेका गोरखा-१० र १४ का ३० र ४४ बर्षका २ जनामा पनि काेराेना संक्रमण पुष्टि भएकाे छ ।
यता पाेखरामा संक्रमित हुनेहरुमा १० बर्षीय बालकसहित १६ र १८ बर्षीय किशाेर किशाेरीपनि छन । पोखरा-१० का १० बर्षीय एक बालक तथा पोखरा-७ का १६ बर्षीय किशोर र पोखरा-६ का १८ बर्षीय किशाेरी साेमबार संक्रमित बनेकाे निर्देशनालयले जनाएकाे छ । यस्तै, पाेखराकाे फेवासिटी हस्पिटलमा उपचाररत पाेखरा १४ का ५१ बर्षीय पुरूष, पशुपन्छी तथा मत्स्य बिकाश निर्देशानलय, पोखरामा कार्यरत पोखरा -१२ का एकजना चिकित्सकलगायत अन्य छन ।
याे संगै गण्डकी प्रदेशमा कोरोना संक्रमितको संख्या ४२३१ पुगेको छ ।
प्रकाशित मिति २०७७ असोज १९ गते सोमबार ०४:१७
