बागलुङमा टिप्पर दुर्घटना हुँदा चालकको मृत्यु

बाग्लुङ

बागलुङ नगरपालिका–८ सिगानामा टिप्पर दुर्घटना हुँदा चालकको मृत्यु भएको छ । बुधबार विहान बा २ क ९२५८ नम्बरको टिप्पर दुर्घटना हुँदा चालक राजु मोक्तानको घटनास्थलमै मृत्यु भएको हो ।

मोक्तान मकवानपुरको हेटौंडा उपमहानगरपालिका–१४ का हुन् ।

निर्माण सामग्री अनलोड गरी सिगानाबाट काठेखोला पुलतर्फ आउँदै गर्दा दुर्घटना भएको थियो । टिप्पर सडकबाट २ सय मिटर तल खसेको जिल्ला प्रहरी कार्यालय बागलुङले जानकारी दिएको छ ।