गण्डकीमा एमालेबाट रोशन गाहा र वेदबहादुर गुरुङ मन्त्री बन्दै

पोखरा । नेकपा एमालेबाट गण्डकी प्रदेशमा रोशनबहादुर गाहा थापा र वेदबहादुर गुरुङ मन्त्री बन्ने भएका छन् ।

दल नेतासमेत रहेका मुख्यमन्त्री खगराज अधिकारीले दुवैलाई सरकारमा लैजाने निर्णय गरेका हुन् ।

एमालेका दुई र माओवादीका एक गरेर तीन जनाको शपथ आज साँझ ६ बजेपछि गराउने तयारी छ । माओवादीबाट म्याग्दी ‘ख’बाट निर्वाचित रेशमबहादुर जुग्जाली मन्त्री बन्ने छन् ।

तीनै जनाको शपथका लागि प्रदेश प्रमुखको कार्यालयमा जानकारी गराइसकिएको छ ।

मुख्यमन्त्रीसहित एमालेका दुई, माओवादीका एक र राप्रपाका एक जनाले २५ पुसमा शपथ लिएका थिए । मन्त्रालयको भागबन्डा टुंगेको छैन । अहिले गठबन्धनको बैठक जारी छ ।