स्टेप बाइ स्टेप मावि ३४ वर्षमा

पोखरा

पोखराको मासबारस्थित स्टेप बाइ स्टेप माध्यमिक विद्यालयले ३४ वर्षमा प्रवेश गरेको छ । बुुधबार विद्यालयले ३४ औं अभिभावक दिवस मनाएको छ ।

कार्यक्रममा गण्डकी प्रदेशका सामाजिक विकास तथा स्वास्थ्य मन्त्री पञ्चराम गुरुङले पोखराको शैक्षिक विकासमा स्टेप बाइ स्टेपको योगदान अतुुलनीय रहेको बताए । विद्यालयका संस्थापक प्रधानाध्यापक निर्मला बरालले गुणस्तरीय शिक्षा प्रदान गर्न विद्यालय प्रतिबद्ध रहेको बताइन् । विद्यार्थीहरुले नाचगान तथा सांस्कृतिक कार्यक्रम प्रस्तुत गरेका थिए ।

शैक्षिक, खेलकुद र अतिरिक्त क्रियाकलापमा उत्कृष्ट भएका विद्यार्थीलाई पुरस्कार वितरण गरिएको छ । ७ सय विद्यार्थी अध्ययन गर्ने यो विद्यालयमा ११ र १२ कक्षामा विज्ञान र व्यवस्थापन विषयको पढाई हुुँदै आइरहेको छ ।