‘पारस’ काे तयारीमा अनमाेल

काेभिड १९ पछि नेपालकाे चलचित्र बजार सुनसान छ । चलचित्रकर्मीहरूलाइ समेत यतिबेला फुर्सदै फुर्सद छ ।
पछिल्लाे समयका चर्चित यूवा नायक अनमोल केसी पनि चलचित्र ‘ए मेरो हजुर ४’को छायांकन रोकिएपछि फुर्सदमै छन् ।

कोरोनाका कारण गरिएको लकडाउन केही खुकुलो भएसँगै अनमोलले केही विज्ञापनमा काम गरे । अहिले पुनः अनमोल घरमा नै थुनिएर बसेका छन् ।

घरमा नै थुनिन बाध्य अनमोल अहिले आफ्नो नयाँ चलचित्र ‘पारस’को स्क्रिप्टमा ध्यान दिइरहेका छन् । चलचित्रको स्क्रिप्टलाई अझै बलियो बनाउन सकिन्छ कि भन्ने सोचले केही काम भइरहेको छ । जसमा अनमोलले पनि समय दिइरहेका छन् ।

अनमोलका अनुसार चलचित्रको विषयबस्तु निकै फरक छ । चलचित्रमा अनमोलले निर्वाह गर्नुपर्ने भूमिका पनि फरक छ । त्यसैले अनमोल चलचित्रमा काम गर्न निकै उत्साहित पनि छन् ।

माधव वाग्लेले निर्देशन गर्ने यो चलचित्रलाई ‘दि सुपर काजोल फिल्मस्’ले निर्माण गर्दैछ । चलचित्रमा भुवन केसी र माधव वाग्लेको लगानी रहने छ ।