नवलपुरका ८ मध्ये ३ वटा क्याम्पसमा मात्रै स्ववियु निर्वाचन

नवलपुरका ८ मध्ये ३ वटा क्याम्पसमा मात्रै आइतबार स्ववियु निर्वाचन भएको छ । मध्यविन्दु, कुमारबर्ती र देबचुली क्याम्पसमा स्ववियुको पदाधिकारी छान्न विद्यार्थीले मतदान गरे ।

पहिलोपटक स्ववियु निर्वाचन भएको मध्यविन्दुमा बागी उम्मेदवारकै कारण विशेष चासो र चर्चा थियो । यहाँ एमालेकै २ खेमामा बाँडिएर स्ववियु निर्वाचनमा होमिएका थिए ।

एसपिएम क्याम्पस गैंडाकोटमा सहमतीमै पदाधिकारी चयन भए । अरुणखोला क्याम्पसमा पनि गोला थुतेर स्ववियु पदाधिकारी निर्वाचित भइसकेका छन् ।

गैडाकोटको कालिका क्याम्पसमा एकलौटी नेविसघंको उम्मेदवार स्ववियु पदाधिकारी बने । चोरमाराको नवजागरण क्याम्पसमा तालाबन्दीको अवस्था छ ।

अमरापुरीको जनमुखी क्याम्पमा चैत १० मा निर्वाचन गर्ने तयारी छ ।