पर्यटक लाेभ्याउँदै खुमैडाँडा

पोखरा

कास्कीको माछापुच्छ्रे गाउँपालिका–१ मा रहेको खुमैडाँडा र कोर्चाङमा आन्तरिक पर्यटकको भीड लागेको छ ।

सामाजिक सञ्जालमा भाइरल गन्तव्य खुमैडाँडा र कोर्चाङ पुगेपछि पर्यटक स्वर्गको आभास गर्छन् । आँखैअघि माछापुच्छ्रे अन्नपूर्ण, धौलागिरि हिमशृंखला । दक्षिणतिर विशाल फाँटमा फैलिएको पोखरा बजार । बाटोभरि रंगीचंगी गुँरासैगुँरासको जंगल । लेकभरि हिउँ ।

पछिल्लो समय सामाजिक सञ्जालमा यो दृश्य निकै भाइरल छ । पोखरादेखि छोटो दूरीमा रहेको खुमैडाँडा, कोर्चाङबाट देखिने दृश्यले सबैको मन लोभ्याउँछ । त्यसैले त अचेल खुमैडाँडा भरिभराउ छ ।

खुमैडाँडाबाट विनोद ढुंगाना र विकास रोका मगरको रिपोर्ट