पोखराको नहरमा पुरुषको शव फेला

पोखरा

पोखराको सेती नदीको नहरमा पुरुषको शव भेटिएको छ ।

पोखरा १३ कुँडहर फाँटस्थित दुई कुलाको मुहानमा अन्दाजी ५५ वर्षीय पुरुषको शव फेला परेको जिल्ला प्रहरी कार्यालय कास्कीका प्रवक्ता श्रवणकुमार विकले जानकारी दिए । शवलाई नहरबाट निकालेर पोष्टर्माटको लागि अस्पताल लागिएको छ ।

शव सडेको नभएकाले मर्निङवाकका क्रममा चिप्लिएर ती पुरुष आज बिहान नै नहरमा खसेको अनुमान प्रहरीले गरेको छ । स्थानीयले नहरमा शव तैरिएको देखेपछि प्रहरीलाई खबर गरेका थिए ।