पोखरा ल्याण्डफिल साइटमा फोहोर पुर्ने डोजरले च्याप्दा चालकको मृत्यु

पोखरा

पोखरा–३२ लामेआहालमा ल्याण्डफिल साइटमा फोहोर पुर्ने डोजरमा च्यापिएर चालककोे मृत्यु भएको छ ।

फोहोर पुर्न प्रगोग गरिने ग १ ग १३४ नम्बरको डोजरले किचेर बिहीबार साँझ ६० वर्षीय चालक मुसाफिर दास तत्माको मृत्यु भएको हो ।

फोहोर व्यवस्थापन शाखाका कर्मचारी हर्क गायकका अनुसार फोहोर पुर्न डोजर चालु अवस्थामा राखेर चालक तत्मा अगाडि गएका थिए ।

स्टार्ट भइराखेको डोजर अगाडि बढ्दा चालकलाई पेलेको आफूले जानकारी पाएको गायकले बताए ।

पोखरा महानगरपालिकाले पुस अन्तिममा नयाँ विमानस्थल सञ्चालनमा आउनु ठिक अगाडि सेती नदी किनार लामेआहालमा अस्थायी ल्याडफिल साइट गरिएको थियो ।

पोखरा–१४ बाट लामेआहालमा सारिएको ल्याण्ड फिल साइटमा पु¥याइएको फोहोर पुर्ने काम चालक तत्माले गर्दै आएका थिए ।

चालक २ वर्षअघि महानगरबाटै अवकास प्राप्त हुन् । तर, फोहोर पुर्ने अर्को चालक नपाउँदा उनैलाई करारमा राखिएकोे थियो ।