छेन्दु–पोखराको व्यवसायिक उडान भर्न सिचुवान एयरलाइन्स तयार

पोखरा

उपप्रधान तथा गृहमन्त्री नारायणकाजी श्रेष्ठले सिचुवान एयरलाइन्सका पदाधिकारीसँगको छलफलमा छेन्दु–पोखराको व्यवसायिक उडान भर्न तयार देखिएको बताएका छन् ।

पाँच दिने चीन भ्रमणबाट आईतबार स्वदेश फर्किएका श्रेष्ठले छेन्दु पोखराको लागि सिचुवान एयरलाइन्स सकरात्मक भएको बताए ।

उनले उनले सिचुवान एयरलाइन्सका पदाधिकारीसँगको छलफलमा छेन्दु–काठमाडौँ रूटमा हवाई उडान वृद्धि गर्न तथा छेन्दुबाट पोखरा र भैरहवा विमानस्थलमा व्यवसायिक उडान शुरू गर्न आग्रह गरेको बताए ।

उपप्रधानमन्त्री श्रेष्ठले चीन भ्रमण फलदायी भएको बताए ।

उनले व्यापारिक नाका खोल्ने र नेपाल–चीन सीमानाकामा आवातजावत सहज बनाउने विषयमा समेत सकारात्मक छलफल भएको जानकारी दिए ।

चीन सरकारसँग सम्झौता भएको बीआरआईको कार्यान्वयनको विषयमा चीन सरकारले चासो राखेको सुनाए ।