एनआरएनए माल्टाको अध्यक्षमा गुल्मीका खनालको उम्मेदवारी

पोखरा

एनआरएनए माल्टाको आसन्न निर्वाचनका लागि अध्यक्ष पदमा गुल्मीका रेशमलाल खनालले उम्मेदवारी दिएका छन् ।

गुल्मी जिल्ला रेसुंगा नगरपालिका–५, का खनाल हाल बुटवल ११ मा बस्दै आएका छन् ।

विद्यार्थी जीवनकालदेखि नै क्लब स्थापना गरी सामाजिक कार्यमा जोडिएका खनाल विभिन्न संघसंस्थामा जोडिएर सामाजिक तथा राजनीतिक कार्यमा संलग्न हुँदै आएका छन् ।

उनले आफ्नो उच्च शिक्षा लुम्बिनी इन्जिनियरिङ क्याम्पसबाट गरेका हुन् ।

वैदेशिक रोजगारीका क्रममा साउदी अरब ३२ महिना काम गरेका उनी त्यहाँबाट फर्किएर सन् २०१७ मा माल्टा गएका हुन् ।

सुरूआती चरणमा ४ वर्ष क्लिनिङ पेशा गरेका उनी अहिले आफ्नै व्यवसाय सुरु गर्न सफल छन् ।

खनाल सन् २०२१–२०२३ को कार्यकालमा झिनो मतान्तरले पराजित भएका थिए । उनी नेपाल माल्टा च्यारिटी अर्गनाइजेसनको सहसंस्थापक हुँदै भल्लटामा भएको नेपाल डे कार्यक्रममा संयोजकको भूमिका निभाइसकेका छन् ।