नेकपाको सचिवालय बैठक शुक्रबार सहमतिमै

काठमाडौं । सत्तारुढ दल नेपाल कम्युनिस्ट पार्टी (नेकपा)को सचिवालय बैठक सहमतिमै शुक्रबार बस्ने भएको छ । महासचिव विष्णु पौडेलले दुवै अध्यक्षसँगको परामर्शमा शुक्रबारलाई बैठक बोलाएको नेकपाका केन्द्रीय सदस्य विष्णु रिजालले बताएका छन् ।

महासचिव विष्णु पौडेलले दुवै अध्यक्षसंग परामर्श गरेर सहमतिमै शुक्रबार बेलुका ४ बजेलाई बैठकको समय तय गरेको केन्द्रीय सदस्य रिजालले उल्लेख गरे ।

यसअघि बहुमत सचिवालय सदस्यले बिहीबारका लागि बैठक बोलाएका थिए । मंगलबार अध्यक्ष प्रचण्डसहित ५ जना सचिवालय सदस्यहरुको अनौपचारिक छलफलले बिहीबार बैठक बस्ने निर्णय गरेको थियो ।