बलात्कार आरोपमा स्याङ्जामा २ जना पक्राउ

पाेखरा

जिल्ला प्रहरी कार्यालय स्याङ्जाले ३२ वर्षीय अपांग महिलालाई सामूहिक बलात्कार गरेको आरोपमा २ जनालाई पक्राउ गरेको छ ।

पक्राउ पर्नेमा स्याङ्जा पुतलीबजारका २५ वर्षीय सुवास गुरुङ र २७ वर्षीय मदन गुरुङ छन् ।

जिल्ला प्रहरी कार्यालय स्याङ्जाका सूचना अधिकारी पावलसिंह लामाका अनुसार भदौ २० गते बौद्धिक अपांग भएकी ती महिलालाई आफ्नै घरमा बसिरहेको अवस्थामा सामूहिक करणी गरेका थिए ।

‘जाहेरीपछि निजहरुलाई नियन्त्रणमा लिएर जबरजस्ती करणी मुद्दामा अनुसन्धान भइरहेको छ,’ उनले भने ।

उनीहरुलाई शुक्रबार नै जिल्ला अदालत स्याङ्जाबाट म्याद थपी अनुसन्धान प्रक्रिया अगाडि बढाइएको प्रहरीले जनाएको छ ।