कीर्तिपुरको युद्धमा वीरंगनाको कथा

पोखरा

पोखरा विद्यालयस्तरीय नाटक महोत्सवमा आज ‘कीर्तिपुरको युद्धमा’ नाटक मञ्चान हुने हुँदैछ ।

गुरुकुल विद्या सदन, नयाँबजारका विद्यार्थीहरुले उक्त नाटक देखाउन मञ्चन गर्न लागेका हुन् ।

कथाकार हृदयचन्द्रसिंह प्रधानले लेखेको उक्त कथालाई मिलन श्रेष्ठले निर्देशन गरेका छन् ।

विसं. १८२४ मा पृथ्वीनारायण शाहले कीर्तिपुरमा हमला गरी विजय प्राप्त गरेको ऐतिहासिक घटना वरिपरि नाटकको पृष्ठभूमि छ ।

नाटक एक वीरंगनाको पात्रमा आधारित छ ।

निर्देशक मिलन श्रेष्ठले चुनौतीका बीचमा पनि सम्भावनाहरु खोज्न नाटक निर्देशन गरेको बताएका छन् ।

‘आफ्नो राज्य बचाउन एक महिलाले कतिसम्म गर्न सक्छिन् भन्ने यस नाटकमा समावेश छ,’ उनले भने ।

भदौ २७ गतेदेखि सुरु भएको नाटक महोत्सव असोज १२ गतेसम्म चल्नेछ ।

उक्त अवधिमा काठमाडौंबाट एक आमन्त्रित नाटकसहित १५ वटा नाटक मञ्चन हुने महोत्सव संयोजक परिवर्तनले जानकारी दिए ।