पोखरासहित देशका अधिकांश ठाउँमा मौसम बदली

पोखरा

पोखरासहित देशको अधिकांश ठाउँमा मौसम बदली भएको छ । पोखराको आकाशमा बिहानदेखि नै बादलले ढाकेको छ । देशका केही ठाउँमा हलका वर्षा र उच्च पहाडी र हिमाली क्षेत्रमा हिमपात समेत भइरहेको मौसम पूर्वानुमान महाशाखाले जानकारी दिएको छ ।

देशमा न्यूनचापीय क्षेत्र तथा पश्चिमी वायुको आंशिक प्रभाव रहेको मौसम पूर्वानुमान महाशाखाले जानकारी दिएको छ । महाशाखाका अनुसार आज दिउँसो गण्डकीसहित वाागमती, लुम्बिनी, कर्णाली र सुदूर–पश्चिम र कोशी प्रदेशका पहाडी भू–भागमा सामान्य बदली हु्नेछ भने बाँकी भू–भागमा आंशिक बदली देखि मौसम सामान्यतया सफा रहनेछ ।

गण्डकी र कर्णाली प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको महाशाखाको बुलेटिनमा उल्लेख छ ।