लम्तरी माई (नादा) मन्दिरको उद्घाटन

मादी गाउँपालिका वडा नं, १० र ११ मा पर्ने लम्तरी माई (नादा) देवि मन्दिरको एक कार्यक्रमकाबीच उद्घाटन गरिएको छ ।

मादिको धार्मिक आस्थाको केन्द्र लम्तरी माई मन्दिरको संघीय सरकारकाशहरी विकास मन्त्री सिता गुरुङले मंसिर ३० गते उद्घाटन गरेकी हुन् । सो अवसरमा मन्त्री गुरुङले मन्दिर जाने सडक विस्तारको लागि प्रतिवद्ध रहेको बताइन ।

यो मन्दिर मादी गाउँपालिका १० र ११ को शिरमा रहेको एतिहासिक मन्दिर हो । जहाँ पुग्नको लागि २ घण्टा पैदल यात्रा गर्नुपर्दछ ।
२०७५ मंसिर ७ गते मन्दिर निमार्णको लागि शिलान्यास भएको थियो । शिलान्यास भएको ५ वर्षमा निमार्ण सम्पन्न भएको मन्दिरको अनुमानित लागत तिन करोड रहेको मादी गाउँपालिका अध्यक्ष देवि जंग गुरुङले जानकारी दिए ।

लम्तरी मन्दिरको विस्तारले समग्र गाउँपालिकाकै पर्यटन प्रवर्धनमा महत्वपुर्ण टेवा पुग्ने लम्तरी विकास समितिले जनाएको छ ।