पर्वतमा नेकपाका निर्वाचित जनप्रतिनीधिसहित एक दर्जन बढी नेपाली कांग्रेसमा प्रवेश गरे

पर्वत । पर्वतमा सत्तारुढ नेपाल कम्युनिस्ट पार्टी नेकपा परित्याग गरि उसका करिब डेढ दर्जन कार्यकर्ता नेपाली कांग्रेसमा प्रवेश गरेका छन् ।

जलजला गाउँपालिका– ६ मा तत्कालीन नेकपा (एमाले) बाट वडा सदस्यमा निर्वाचित जनप्रतिनिधि मायादेवी रेग्मीसहित झण्डै १५ स्थानीय नेता कार्यकर्ता कांग्रेसमा प्रवेश गरेका हुन् । वडा सदस्य रेग्मीसहितका नेता कार्यकर्ताहरूलाई कांग्रेसका केन्द्रीय सदस्य अर्जुनप्रसाद जोशी र युवा नेता एवम् पर्वत कांग्रेसका कोषाध्यक्ष यामबहादुर मल्ल ‘रामकृष्ण’ले पार्टीमा भव्य स्वागत गरेका थिए ।

कांग्रेसका युवा नेता मल्ल जलजला गाउँपालिकाका अध्यक्ष समेत हुन् ।

नेकपाकी नेतृ एवम् वडा सदस्य रेग्मीसहित केदारनाथ भुसाल, मनका भुसाललगायतका स्थानीय लोकप्रिय नेता कार्यकर्ताहरू कांग्रेसमा प्रवेश गरेको युवा नेता मल्लले जानकारी दिएका छन् ।