पोखराको न्यूरोडबाट लागुऔषधसहित एक युवा पक्राउ

पाेखरा । नशालु औषधि डाईजेपाम, फेनारगन र बुप्रिनर्फिनसहित प्रहरीले एक जनालाई पक्रेको छ । जिल्ला प्रहरी कार्यालय कास्की र लागुऔषध नियन्त्रण व्यूरोको संयुक्त टोलीले पोखराको न्यूरोडबाट ३० वर्षीय अशोक वाचे मगरलाई पक्राउ गरेको हो ।

तनहुँको व्यास नगरपालिका–८ घर भएका मगरको न्यूरोडस्थित डेराबाट पक्राउ परेको प्ररीले जनाएको छ ।

प्रहरीले एक सय एम्पुल डाईजेपाम, १ सय एम्पुल फेनारगन र सोही परिमाणमा बुप्रिनर्फिन बरामद गरेको छ ।

उनलाई लागुऔषध सम्बन्धी कसुरमा सात दिनको म्याद लिएर थप अनुसन्धान भईरहेको जिल्ला प्रहरी कार्यालय कास्कीका डिएसपी सुवास हमालले जानकारी दिए ।