माओवादी उपाध्यक्ष कृष्णबहादुर महरा भैरहवा विमानस्थलबाट पक्राउ

काठमाडौं । नेकपा माओवादी केन्द्रका उपाध्यक्ष कृष्णबहादुर महरा पक्राउ परेका छन् ।

कपिलवस्तुबाट पक्राउ परेका महरालाई प्रहरीले केन्द्रीय अनुसन्धान व्युरो (सीआईबी)को जिम्मा लगाएकाे छ । उनलाई आज बिहान भैरहवा विमानस्थलबाट काठमाडौं ल्याएर सीआईबीको कार्यालय लगिएको महानिरीक्षक (आईजी) बसन्त कुँवरले जानकारी दिए ।

सुन तस्करी सम्बन्धी छानबिन गर्न गठित उच्चस्तरीय जाँचबुझ आयोगले महरालाई मुद्दा चलाउन सिफारिस गरेको थियो । सोही अनुसार कारबाही गर्न गृह मन्त्रालयले प्रहरीलाई निर्देशन दिएको थियो । यसअघि महरासँग आयोगले बयान समेत लिएको थियो ।

उनका छोरा राहुल महरा विद्युतीय चुरोट (भेप) मार्फत भएको सुन तस्करी प्रकरणमा पुर्पक्षका लागि थुनामा छन् ।

प्रकाशित मिति २०८० चैत ५ गते सोमबार १२:४७