विद्यालयका ११ वटा ल्यापटप चोरी गर्ने ४ बालक पक्राउ

पाेखरा

विद्यालयका ल्यापटप तथा अन्य ईलेक्ट्रिक सामान तोडफोड गर्ने ४ बालकलाई कास्की प्रहरीले पक्राउ गरेको छ ।

पोखरा महानगरपालिका-३३ बरपाण्डेथुममा रहेको शान्ती उदय माध्यामिक विद्यालयको कार्यालय कोठा, कक्षाकोठा तथा कम्प्युटर ल्याब शाखा समेतको ढोका फोरी ल्यापटपसहितका सामान चोरी गर्ने ४ बालकलाई प्रहरीले पक्राउ गरेको हो ।

ढोका फोरी ११ वटा ल्यापटप, ७ वटा चार्जर, ५ वटा माउसहित चोरेको र अन्य ल्याप्टप, कम्प्युटर, सिसि क्यामेरा, सिसिटिभि मनिटर, लाईट, प्रोजेक्टर, साउण्ड सिष्टम स्पीकर कन्ट्रोलर, स्टेशनरी कागजात समेतमा क्षति पुर्‍याएको कास्की प्रहरीका सूचना अधिकारी डिएसपी बसन्तकुमार शर्माले जानकारी दिए ।

उनीहरुलाई चोरी गरेको सामानसहित पक्राउ गरी जिल्ला अदालत कास्कीबाट चोरी तथा डाँका सम्बन्धी मुद्दामा ५ दिन म्याद थप गरी अनुसन्धान भइरहेको प्रहरीले जनाएको छ ।