कास्कीका एसपी थापा प्रदेश सरकारबाट पुरस्कृत

पाेखरा ।

जिल्ला प्रहरी कार्यलय कास्कीका प्रहरी उपरीक्षक (एसपी) मोहनकुमार थापालाई गण्डकी प्रदेश सरकारले पुरस्कृत गरेको छ।

गणतन्त्र दिवसकाे अवसरमा आयोजित एक समारोहका विच थापालाई उत्कृष्ट कार्यसम्पादनका आधारमा प्रदेश सरकारले पुरस्कृत गरेकाे हाे । प्रदेश प्रमुख डिल्लीराज भट्टले उनलाई मंगलबार नगद २५ हजार रुपैयाँसहित पुरस्कृत गरे।

शान्ति सुरक्षा तथा विपत् उद्धारको क्षेत्रमा उल्लेखनीय भूमिका खेलेको भन्दै प्रदेश सरकारले ‘शान्ति सुरक्षा तथा विपत् उद्धार प्रोत्साहन पुरस्कार’ प्रदान गरेको हो। उत्कृष्ट काम गर्ने सुरक्षाकर्मीलाई प्रोत्साहन गर्ने उद्देश्यले सो पुरस्कार प्रदान गरिएको मुख्यमन्त्री तथा मन्त्रिपरिषद्को कार्यालय, पोखराले जनाएको छ।