कारबाही कानुनसम्मत् छैन, निर्णयविरुद्ध अदालत जान्छुः फणीन्द्र देवकोटा

पोखरा
माओवादी केन्द्रले गरेको कारबाहीविरुद्ध नेपाल समाजवादी पार्टी (नेसपा) का सांसद फणीन्द्र देवकोटाले अदालत जाने भएका छन् । उनले पत्रकार सम्मेलन गर्दै माओवादीले गरेको कारबाही कानुनसम्मत् नभएको भन्दै कानुनी लडाई लड्ने बताएका हुन् ।

‘राजनीतिक प्रतिशोध साधिँयो । अराजनीतिक, असंवैधानिक छ । कानुनसम्मत् छैन । कारबाहीविरुद्ध संवैधानिक लडाई लड्छु,’ उनले भने ।

गण्डकी प्रदेशमा फ्लोर क्रस गरेर मुख्यमन्त्री सुरेन्द्रराज पाण्डेलाई मत दिएका फणीन्द्र देवकोटा नेकपा माओवादी केन्द्रले गरेको कारबाहीको पत्र प्रदेशसभालाई पठाएको थियो ।

कारबाही गरेको पत्र सभामुख कृष्णप्रसाद धितालले प्रदेशसभाबाट पढेर सुनाएसँगै देवकोटा पदमुक्त भएका छन् । मुख्यमन्त्रीलाई विश्वासको मत दिएका देवकोटा ऊर्जा, जलस्रोत तथा खानेपानीमन्त्री बनेका छन् ।