धवलागिरी बोर्डिङमा एसईई गायन प्रतियोगिता हुने

हेमजा ।

धवलागिरी बोर्डिङ स्कुल पोखरा–२५ हेमजाको आयोजनामा एसईई गायन प्रतियोगिता –२०८१ हुने भएको छ ।

एसईई दिएर बसेका विद्यार्थीको प्रतिभा प्रस्फुटन गर्ने उदेश्यका साथ कार्यक्रम आयोजना गरिएको हो ।

प्रतियोगिता अन्तर्गत लोकगीत, आधुनिक तथा पप गीत गाउन पाइनेछ भने प्रतियोगिले ५ मिनेटमा प्रस्तुति सक्नुपर्ने छ ।

प्रतियोगितामा सहभागी हुनका लागि २०८० सालमा एसईई दिएको हुने पर्ने छ ।

साथै नाम दर्ता गराउँदा प्रवेश पत्र आवश्यक पर्ने आयोजकले जनाएको छ ।

नाम दर्ताको अन्तिम मिति यही असार १३ गतेसम्म रहेको छ । प्रतियोगिता यही असार १४ गते विद्यालयको सभाकक्षमा हुनेछ ।

प्रतियोगितामा प्रथम, द्वितीय, तृतीय र सान्त्वना हुनेले क्रमशः १० हजार, ७ हजार, ५ हजार र ३ हजारको साथमा ट्रफी र प्रमाणपत्र प्राप्त गर्नेछन् ।