पोखरामा प्रचण्ड-माधव समूहको भेला शुरु

पोखरा । पोखरामा प्रचण्ड- माधव नेपाल पक्षीय जनबर्गीय संगठनहरुको जिल्लास्तरीय संयुक्त कार्यकर्ता भेला शुरु भएको छ ।

प्रधानमन्त्री केपी शर्मा ओलीले संसद विघटन गरेपश्चात फुटको दिशामा अघी बढेको नेकपामा ओली पक्ष र प्रचण्ड- माधव पक्षका विच आफू निकट कार्यकताहरुको भेला आयोजनामा पछिल्लो समय तिब्र प्रतिष्प्रर्धा चलिरहको छ । दुबै पक्षले आफू निकट कार्यकर्ताहरुको भेला तथा बैठकको आयोजना गरिरहेका छन् ।

पोखराको सिर्जनाचोकस्थित एक पार्टी प्यालेसमा आयोजित भेलालाई नेपाल दाहाल पक्षले हालैमात्र आफ्नो पक्षबाट प्रदेश ईञ्चार्जको जिम्मेवारी दिएका देवेन्द्र पाैडेल र यूवा नेता योगेश भट्टराईले सम्बोधन गर्ने कार्यक्रम रहेको छ ।

यो पक्षको भेलामा करिब एक हजार बढी कार्यकर्ताको उपस्थिती रहेको दावी गरिएको छ ।