पोखराबाट काठमाडौं जाँदै गरेको बस मर्स्याङ्दी नदीमा खस्यो

पाेखरा । पोखराबाट काठमाडौंतर्फ जाँदै गरेको बस तनहुँको आँबुखैरेनी गाउँपालिका- २ ऐनापहरामा मर्स्याङ्दी नदीमा खसेको छ ।

युपी ५३ एफटी ७६२३ नम्बरको बस मर्स्याङदी नदीमा खसेको तनहुँ प्रहरीले जनाएको छ ।

तनहुँका डिएसपी दिपक कुमार रायका अनुसार बसमा करिव ४० यात्रु सवार थिए ।

अहिले स्थानीय र प्रहरीले उद्दार जारी राखेका छन् । हालसम्म कुनै मानवीय क्षती भएको जानकारी नभएको प्रहरीले जनाएको छ ।

दुर्घटनाको कारणबारे खुल्न बाँकी छ ।